Congress chuan India-in Britain awpna hnuaia zalenna a neih champha kum 75-na chu kum khat chhung lawmna an huaihawt dawn tih Thawhtanni khan an puang.
Pathianni khan party hi an thukhawm a, ram indan champha lawm tur dan tur duang tur hian state-level committee din turin thu an titlu.
“August 15, 2021 hi mahni kea India-in a din champha kum 75-na a ni a, Indian National Congress chuan hei hi kan ramin zalenna a neih theih nana beitu (freedom fighter)-te inpekna leh an chhungte, anmahni thlak zeltute zahna lantir nan a lawm dawn a. Independence kum 75-na a lo thlen hian Indian National Congress chuan state tinah kum khat chhung lawmna kalpui turin committee din turin a ti a ni,” tiin All India Congress Committee (AICC) General Secretary KC Venugopal chuan Thawhtanni khan a sawi.
AICC general secretary thukhawm chuan August 14 leh 15-a a lawm dan tur pawh an duang a. Party hian ‘Swatantra Senani & Shaheed Samman Divas’ tiin zalenna sualtu leh an chhungte chawimawina an hmang ang.