American superstar boxer, khawvela hmeichhe boxer zinga No. 1 pound-for-pound boxer a mi tam takin an ngaih Claressa Shields chuan nakkumah mixed martial arts-ah kir leh a tum a, contract a ziak fel tawh.
Kum 28 mi Shields hian MMA a inel turin Professional Fighters League hnenah contract a ziak tih PFL hian an sawi a. Boxing a undisputed middleweight nilai hian kum 2021 khan PFL-ah hian a inlan tanin vawi hnih a inlan tawhah vawi khat chakin vawi khat a tlawm.
“Fighter-te ngai pawimawh a dah hmasa thin hnena ka kir leh tur hi ka phur a, PFL SmartCage a luh leh hlan ka nghakhlel.”
“Ka tum engmah a la inthlak lo. Boxing leh MMA a world championship kawl kawp thei infiammi hmasa ber nih hi ka tum. MMA a ka inlan hmasak ber atang khan nasa takin hma ka sawn a, hengte hi han lantir ka chak tawh hle.” tiin a sawi.