Welterweight mixed martial artist hmabak nei eng tak Ian Garry-a’n a hming chher a tum a. A chak hnuhnun bera a cho zui Neil Magny chu a duh ang ngeiin a hmachhawn thei dawn.
Irish welterweight fighter hian karleh Pathianni a neih tur UFC 292-ah hian a khingpui tur a inlan theih dawn loh avangin Magny hi a hmachhawn dawn.
Garry hi Geoff Neal nen intum tura tih an ni a, mahse Neal hian dam lohna neiin a inlan thei dawn lo.
UFC chuan kum 36 mi, welterweight veteran Magny hi be nghalin ni 8 chauh inbuatsaihna hun nei dawn mahse a pawm a. Kuminah a vawi thum nan cage a lut dawn.
28-10 record nei Magny hian June khan Philip Rowe hnehin a inlan hnuhnung pasarih atang vawi nga a chak.
12-0 record nei kum 25 mi Garry hi UFC-ah vawi nga chak zawn a ni a, May khan Daniel Rodriguez a knockout.