Agriculture Minister C Lalrinsanga’n National food security mission hnuaia Buhfai, Dal leh Vaimim chin te hralhna atangin Rs. nuai 21.685 thawhchhuah a nih thu a sawi.
Lungleia India Independence Day a hmanpuinaah he thu hi nimin khan Agriculture Minister chuan a sawi a. Rainfed area development hnuaiah khaw 4 – Hmawngva, De(Sertlangpui), Mualcheng S leh Kangfima loneitute tanpuina hrang hrang pek an nih thu leh hlawhtling taka hma an lak thu a sawi.
Agriculture Minister chuan March 14, 2023 ah Nevada, USA a thawn tur Mizo hmarchate ro 7.5 MT Haulawng atanga vailiam a nih thu sawiin, Mizo hmarchate thawn chhuahte hi Organic test paltlang vek an nih thu a sawi a. Hmarchate hi Mission Orga- nic Mizoram (MOM) kaltlanga International Competence Centre for Organic Agriculture(ICCOA)-in a en- kawl Farmers Producer Company (FPC) 12 atanga lakkhawm a nih thu leh Lunglei District atangin FPC 3, Lawngtlai District ata- ngin FPC 6 leh Siaha District atangin FPC 3 atanga lakkhawm a nih thu a sawi.
Lunglei District at- angin 3.9 MT, Siaha District atangin 2.1 MT leh Lawngtlai District atangin 1.5MT te lakkhawm a nih thu Agriculture Minister chuan a sawi bawk.
National Bank for Agriculture and Rural Development (NABA- RD) – Warehouse Infr- astructure Fund (WIF) hnuaiah Lunglei Agriculture block hnuaiah Warehouse sak mek a nih thu pawh sawiin, hna zaa 95 zawh tawh a nih thu a sawi a. Hemi atana sum ruahman Rs. 2,50,00,000 a nih thu a sawi.
Lungsen leh Tlabu- ngah te pawh Wareho- use sak a nih thu sawi- in, sum ruahman Rs. 75,00,000 ve ve a nih thu leh heng wareho- use-te hi thlai thar leh bungraw pawimawh dahthatna tura ruahman a nih thu Agriculture Minister chuan a sawi.
Green-Ag project hnuaiah Animal Husbandry & Veterinary department nen tangk- awpin khaw hrang hr- angah Rainbow Rooster leh Moringa chi sem a nih thu a sawi a. Green–Ag hnuaiah vek Environment, Forest and Climate Change deptt. nen tangkawpin khaw 17-ah thing 2317 phun a nih thu a sawi.
RKVY scheme hm- anga loneitute tharchhuah hralhna tur Market building Kikawna sak mek pawh hna zaa 90 vel zawh tawh a nih thu a sawi a. NABA- RD hnuaia RIDF sch- eme atangin ‘Constr- uction of fresh Agriculture Link Road at Tarmita Road’ siam a nih thu a sawi bawk.
Cooperation Minister ni bawk C Lalrinsanga chuan Lunglei District Cooperative Officer hnuaiah primary level Cooperative society 240 inziak- lut an awm mek thu a sawi a. Heng Cooperative Society-te hian sumdawnna hrang hra- ng khawihin, chungte chu lo neih, vawk vu- lh, kuthnathawh, ar vulh, canteen service, small scale industry, credit leh loan service, sangha man, ran talh, bawnghnute atanga siam product hralhchhuah te an nih thu a sawi.
District (secondary) level Cooperative societies 2 a awm thu sa- wiin, pakhat chu Lunglei District Cooperative Union niin Prim- ary Level Cooperative Society-te tan Cooperative training leh zirtirna an kalpui a; a pahnihna chu Lunglei District Milk Producers Cooperative Union Limited a ni a, Lunglei District chhungah dairy product siam leh hralh chhuah hna an thawk niin a sawi.
Heng te bakah hian Lunglei district-a sorkar hmalakna hrang hrang hrang te Agriculture Minister chuan a sawi bawk a ni.