Kum 20 liam hnu-ah a hun laia boybar lar tak ni thin NSYNC chu Justin Timberlake hoin an lokirleh dawn nia sawi a ni.
Hei hi 2002 kuma Justin-a’n solo kawng zawh tura band a chhuahsan hnu lama member kim anga an chehchhuah lehna hmasa ber a ni dawn a, music thar tihchhuah an tum.
Film thar, ‘Trolls Band Together’-ah hla thar an siam dawn a, NSYNC member- Justin Timberlake, JC Chasez, Joey Fatone, Chris Kirkpatrick leh Lance Bass te hian engti ang takin rimawi khawvel an rawn barakhaih dawn tih chu hriat chakawm tak a ni ta.
Animated musical comedy, ‘Trolls Band Together’ hi November 17, 2023 hian tlangzarh tum a ni.