Aizawl : Kawlkulh North-a Health Clinic Centre (HCC) thar chu Inrinni khan bialtu MLA Dr L Thangmawia’n a hawng a, MLA fund atangin Health Worker leh IV Grade a rawihsak nghal.
Lengteng bialtu M- LA Dr L Thangmawia chuan a biala Health Sub-Centre awmlohna khua zawng zawngah sorkarin Health Clinic Centre a hawng kim ta tih sawiin, thil chhinchhiahtlak leh lawmna tham a nih thu a sawi a. Khawtlang hruaitute leh MLA-in an dilna ngai- pawimawha mipui mamawh hawnsaktu Health deptt. lawmthu a hrilh.
L Thangmawia ch- uan Covid hripui lenlaia Health department-a thawktute inpekna leh anmahni pui tura hlawh nei lova in-volunteer thalai tam tak te tlawmngaihna chu Zoram mipuiin an theihnghilh tawh loh tur a nih thu a sawi a. “Hri lengin a nghawng sum harsatna kan tuar mek chungin tun term kal meka Health department-a hmasawnna hrang hrang – Health Clinic Centre khaw zahnih chuanga hawn thar te, Building thar 146 (District Hospital 3, CMO Office 5, PHC 21, Sub-Centre 63, Staff Quarter 35 leh Isolation Ward 19) sak zawh hman a nih bakah sak mek leh sak tan tur tam tak a awm mek te, sum harsa karah thawktu nghet – Doctor 45, Nurse 23 bakah a nghet lo Health & Wellness Officer 276, Nurse Contract 25 leh SEDP Health Worker 568 lak an ni te hi a chhawrtu Zoram mipuite tan chuan thil lawmawm tak a ni” a ti.
Hriselna lama hmasawnna hrang hrang te chu Lengteng bial pawh a zarzotu an nih thu sawiin, L Thangmawia chuan Kawlkulh dam- dawi in-ah X-Ray khawl changkang tak dah thar a nih thu leh Isolation Ward pawh sak a nih thu a sawi a. Kawlkulh PHC pawhin building thar a neih theihna tura chak taka hmalak mek a nih thu a sawi.
Sorkar thuchhuahin a tarlan danin Health Clinic Centre, Kawlkulh North atan hian Kawl- kulh PHC Staff Quarters hman lailawk a ni a, bu- ngraw mamawhte MLA fund hmanga lei an ni. Thawktu Health Worker Vanlalhruaii leh IV Gra- de Lawmzeli te chu M- LA fund hmanga rawih nghal an ni a, SASCI 2023-24 sum atangin HCC building thar sak- na tur Rs. nuai 15 ruahman fel a ni tawh bawk.