Spanish club Sevilla in season liamta tawp lama an harsatna an la kalsan hleithei lo. Tun season tharah la tlawm vekin Deportivo Alaves lakah 4-3 in an tlawm.
Thawhtanni zana Mendizorrotza Stadium a inkhelah second half a Kike Garcia goal hnih khung an sut thei lova. A zawna league inkhela vawi 9 tlawm tawh lo Alaves in hnehna an chang.
Alaves in Luis Rioja hmanga minute 7-na a goal an khung chu Abdel Abqar own goal hmangin Sevilla in an sut a. Halftime hma in Erik Lamela hmangin Sevilla in hma hruai mahse Ruben Duarte chuan a sut nghal thuai.
Second half-ah Garcia in goal hnih khungin huntawp dawnah Rafa Mir chuan Sevilla tan goal khat a khung belh leh hram.
Sevilla hi league inkhel an hmachhawn hnuhnung paruk atang chak an nei lo vek a, league inkhel hmasa zawkah Valencia lakah an tlawm tawh.