Tlangzarh hma hauh atang tawhin Shah Rukh Khan film thar, ‘Jawan’ chu US bikah $Maktaduai 10 chuang man booking tihfel tawh niin, a ni khatnaah $Billon 1 a kai ngei an beisei.
Report hrang hrang tarlan danin, tlangzarh hma kar hnihnaah booking a ‘rush’ char char hle a, Bollywood chet ropui lutuk ngai lohna US-ah meuh pawh SRK lar vang hrim hrim hian ‘Jawan’ en ngei tum booking ti an tam a, $Maktaduai 10 an hmuchhuak der tawh.
Ruahman dan chuan ‘Jawan’ hi September 7, 2023 hian tlangzarh a ni dawn a, Indian film industry tana chanchin lawmawm tak ni turin SRK hian US, UK leh Middle EAst ramah te khuan a hming thana leh larna a vaw nung chho zel a ni ber mai.