United States-a California chhim lama biker bar-a inkahna thlengah mi pali an thi a, mi dang parukin hliam an tuar bawk.
Orange County-a Cook’s Corner-a inkahnaah hian silai kaptu ber hi a thi tel bawk niin police chuan an sawi.
Hliam tuar paruk zinga pahnih hi an dinhmuna tha vak lo niin county fire chief Brian Fennessy chuan a sawi.
American nunah hian silai chelek hi a tam hle a, kuminah ringawt pawh inpawngkahna vawi 400 chuang a thleng tawh niin Gun Violence Archive chuan a tar lang.
Tun tum inkahna hi an ram sanaa Nilaini zan dar 7:00 (India huna India-a Ningani zing dar 7:30) vela thleng a ni a, bar hian spaghetti night leh rock music show huaihawtin mi pakhat tan $8 an chhiar a, an Facebook page-ah pawh infakna an dah chhuak.
Buaina hi silai hmet puaktu ber, law enforcement officer chawl tawh nia sawi leh a nupui inkara buaina atanga chhuak tan niin an sawi niin police chuan an sawi tih CBS News chuan a sawi.
Ralthuam pakhat hmuh a ni bawk tih police chuan an sawi bawk.
Orange County supervisor Katrina Foley chuan X chuan thil thleng chuan a barakhaih hle tih a sawi a. Orange county chhuak, Senator Dave Min pawhin a tihrehawm hle niin a sawi bawk.
Cook’s Corner hi biker-te chawlhna hmun pawimawh tak niin Santa Ana Mountains fang turte an chawl nasa thin hle.
An patron zingah pawh lemchang thiam leh California governor hlui, Arnold Schwarzenegger pawh a tel a, kum 2006 pawh khan motorcycle thleng khawmte lo dawngsawngtuah a tang tawh a ni.
Silai thunun hi US-ah hian politics khelh nan pawha hman ber a ni a. Ngaihdan lakah chuan American tam zawkin thunun hi an duh a, Republican-ten an do ve thung.