Manchester United chuan tunhnaia an club nena sawizawm ni lem lo Tottenham a khel kum 28 mi Denmark midfielder Pierre-Emile Hojbjerg chu lakluh an tum. (Telegraph)
Bayern Munich chuan loan in Manchester United leh Scotland midfielder Scott McTominay, 26, chu lakluh an duh a, Netherlands midfielder Ryan Gravenberch, 21, chu loan a Old Trafford pan tir an phal. (Bild)
Al-Ittihad chuan Liverpool atang Mohamed Salah lalut turin Pound maktaduai 129 in an dawr dawn a, Reds lam hian kum 31 mi Egypt forward hi chhuahtir an tum lo niin sawi mahse Saudi club lamin sum tam tak nen rilru thlak tir an inbeisei. (CBS Sports)
Manchester United chuan inhliam England left-back Luke Shaw, 28, a chawlh rei dawn avangin a hmunruak luah turin Brentford a khel English defender Rico Henry, 26, chu an ngaihven. (Daily Mail)
West Ham United chuan Corinthians forward Yuri Alberto chu mimal inremna an neihpui tawh a, kum 22 mi hi darkar 24 chhunga a insawnna tihfel hman an beisei. (Football Insider)
Chelsea chuan player bazar inkhar hma in kum 23 mi Arsenal leh England midfielder Emile Smith Rowe bakah Barcelona a khel Spanish forward Ferran Torres, 23, leh Brazilian winger Raphinha, 26, te chu lakluh hman an duh. (Daily Mail)
Tottenham chuan Nottingham Forest nen Wales forward Brennan Johnson chungchangah inbiakna an nei a, kum 22 mi lei dilna hi an la siam lo. (Sky Sports)
Liverpool chuan PSV Eindhoven a khel Belgian winger Johan Bakayoko chu lakluh tumin hma an la ngawrh viau a, kum 20 mi hi Everton, Burnley leh Crystal Palace te pawhin an duh. (Football Insider)
Nottingham Forest chuan Benfica leh Greece goalkeeper Odysseas Vlachodimos, 29, chu Euro maktaduai 9 in lei an dil. (Fabrizio Romano)