Rajasthan Chief Minister Ashok Gehlot chuan BJP chu khawvela political party hausa ber an nih thu leh sum vanna an hre ve lo niin a sawi.
“Pawisa an tithi a, industrialist-te vau betin tunah hian electoral bond an kalpui leh ta a. Supreme Court hian a khap kan beisei a; mahse, an ti si lo. Bond hi cheng vaibelchhe 100 a nih chuan anni hian cheng vaibelchhe 95 an chang a, a bâng cheng vaibelchhe 5 chu Congress, CPI, CPM, BSP ten an insem ve chauh thin. Intluktlanna a awm lohvin engtin nge mipui rorelna hi a chak theih ang?” tiin an state-a Sujangarh (Churu) bial by-election neih tura an party candidate, Manoj Meghwal tana nimina a campaign-naah a sawi.
Congress candidate pathum – Sahara (Bhilwara) a\angin Meghwal leh Gayatri Trivedi leh Rajsamand (Udaipur) biala Tansukh Bohra te chuan nimin khan inthlan chuh turin an hming an pe lut.
Congress hruaitu hlun – Gehlot, AICC general secretary Ajay Maken, state PCC chief Govind Singh leh deputy chief minister ni thin, Sachin Pilot te chu chopper-a kalin an tawiawm theuh va, bial pathumah hian vantlang inkhawmah hun an hmang.