Boral ta King of Pop Michael Jackson fanu Paris Jackson chuan a pa pianchamphaphaka thu leh hla engmah nei lova, a ngawi tluan chu a pa fan ruhkawl thenkhatte’n hrethiam thei lovin thahah an vau tawh thin niin a sawi.
Paris hian social media kaltangin a pa kum 65 tlinnaah khan engmah post a siam lova, hei vang hian online katlanga hmuhsitna, diriamna leh thaha vauna thlengin a dawng nghal zut zut ti.
Heti anga a pa pianchamphaphaka ngawih a chuh leh ‘wish’ engmah a siam loh chhan lian tak leh lansar a awm a, a pa dam lai khan a pianchamphaphak lawmna reng reng a duh lova, lo lawm a, programe huaithawt an awm chuan a haw ngawih ngawih dawn nia sawiin, “Vawiin hi ka pa brithday a ni a, a dam lai khan a birthday lawmpui a, lo hriatpuitute hi a haw hle thin,” a ti.
Heti chung hian August 29 zan khan Paris hian, “Birthday duhsakna ka hlan a, ka lawmpui a ni deuh mai. Chu zawng chu a ni mai. A birthday tak tak kan hriat pawh hi a nihna takah chuan a duh ngai lo,” tiin a ziak.
A pa duhna leh ngenna zawmin hun eng emaw chen kalta atang tawh khan a pa birthday-ah engmah a post ngai lova, chu taka chu mi tam takin an h rethiam thei lova, khawvela awm tlak lo leh khawvel chhuahsan daih turte’n social media kaltlangin thu ngaihthlak hrehawm tak tak hmangin an umzui thin.
“Instagram-a ka pa chungchanga ka thil post leh post loh hian ka pa ka hmangaihna a hrilhfiah zo chuang dawn lova, tehna tlingah pawh ka ngai lo,” tiin Paris hian a sawi.
Heti anga Pa te chungchang post kual vak vak aiin, stage-a mipui hmaaa inlan hunah a taka lantir mai chu a duhzawk thu a tarlang tel bawk.