Reliance Foundation in a buatsaih India ram hmun hrang hrangah naupangten football an zirna league Reliance Foundation Young Champs Naupang League season thar chu vawiin atangin an khel tan ang.
Thla riat chhunga khelh league hi Mizoram-ah Mizoram Football Association nen thawkdun a kalpui a ni a, season hmasa ber hlawhtling taka an hman hnuah tun season-ah Aizawl, Champhai, Kolasib leh Lunglei-ah te kalpui a ni ang.
Naupang League bik hi Aizawl leh Champhai ah kalpui an ni anga, U6, U8, U10, U12, leh U14 te in kalpui niin RFYC in an enkawl ang.
District League hi Kolasib leh Lunglei-ah kalpui niin MFA leh District FA ten an enkawl dawn thung a.U8, U10, U12, leh U14-ah te inelna neih a ni ang.
Season liamta khan RYFC Naupang League-ah hian naupang 2305 an inkhel a, team 180 awmin match 2226 khelh a ni.