Akshay Kumar film thar, ‘OMG2’ chu Central Board of Film Certification (CFBC) atangin adult certificate dawng mah se, Box office-ah a chetha hle a, India rama Adult movie hit ber palina a ni ta.
Heti anga adult certifcate pek a nih vanga he film-a changtunu kum 16 mi Aarush tak ngial pawhin a thian te leh chhungte nena cinema hall-a an en theih loh vanga lungawi lohna tam tak karah puitling lam lawm a hlawh hle tho.
Sex education nghahchhan nei film hian fan te thinlung a khawih pha tlat mai a, critic lam pawhin chaw tui berah an nei mek.
Tlangzarh atanga ni 17-naah Pankaj Tripathi leh Yami Gautam te channa ni bawk hian Indian box office-ah cheng vaibelchhe 135.17 a lalut tawh.