- Naupai theihna (Fertility) hi engnge ni a?
Naupai theih loh vanga harsatna hrang hrang awm theite zirchian hmâ-in, ‘fertility’ hi a nihna tak hriat chian a pawimawh a. Mawlmang taka sawi dawn chuan, ‘nupa-ina fa an neih theihna’ a tihtheih awm e.
Nupa kha lo in ‘fit’ tehreng pawh ni se, naupaina hi a lo thleng nghal ngawt thei bik lo tih hriat a tha. Naupai tur chuan a kawnghmang leh thil pawimawh tih leh buaipui tur a awm a, naupai hi awlsam anga a lan rual hian, thil buaithlak tak a ni, a buaithlak tak zet.
- Naupai awlsamnana thil tih tur pawimawh Taksa lumna vawn uluk
A hmasak berin, i hriselna dinhmun hriat chian hmasak phawt tum rawh. Naupai lamtluang zawhnaah hian kawng hrang hranga tibuai theitu hi an awm a.
Taksa lumna hriat fuh tum ang che. I taksa-in tui (egg) a tihchhuah khan taksa lumna hi a lo sâng chhot tulh tulh \hin. Tui a chhuah hmâ khan nupa nun hman a pawimawh ang.
- Ei tha
Thil pawimawh tak a ni a, ei tur tha leh hrisel lakluh a dik chiah hian, taksa pawhin a nih tur ang leh a thawh tur ang a thawk thei chauh a. Chu chuan mihring siamchhuahna (repro-ductive system) kha a tuaihnum thei a, hormone pawimawh tak takte a chawm hneh hle bawk. Taksa rihna a over emaw rihna hniam lutuk te tan naupai a harsa thin.
- Chakna
Vitamin C leh antioxidants te hian reproductive system-a awm thil tha lo a tihthlem theih bakah, chi (sperm) tha lo leh chiang lo awm thei tur lakah a veng a, chi awmdan tur a hril thui hle bawk. Calcium, vitamin D leh zinc te pawh naupai theihnan hmanraw pawimawh tak te an ni.
- Chak lohna
Caffeine hian mipa leh hmeichhia-ah mihring siamna khawl a tibuai thui thei viau mai a. Zu, Zial leh chaw ei that mumal lohna leh khawsak phung dik lo tak hian naupai theihna a dang hneh hle bawk.
- Tui
Zun kawng tha lo leh he-tiang lama insawiselna tur a veng a ni mai lova, naupai theihnan tha a thawh nasa hle. Naupai tumna a awm chiah hian, nikhatah a tlem berah tui no 8 tal chu in ngei ngei a ngai tawh ang. In harsa i tih chuan, Thei thur tui pawlh te pawh a sual hran lovang.
- Umkiang rawh
I nuna phurrit awm thei te leh rilruhahna tur thlen thei tur che lakah inthiarfihlim hram tum la, thawveng tak leh hahdam taka awm a van tul tawh tak em! A pawimawh tak zet.
A chunga tarlan te hian kawng hrang hrangin naupai theihna lamtluang an sial sak thei che a. Chutih laiin, nupa nun hman laia awmdan (position) pawhin a zir hle a ngai. Hemi chungchangah hian nupa pawha inpawh taka sawi dun a tha.
Hmalak tak tak tumna a awm chuan missionary position hi a tha ber tih a ni.
Tin, doctor inentir hmasak te hi a tul em em a, an thurawn te hi ngaihpawimawh em em tur a ni bawk.