Indian Medical Association chuan sorkar laipuiin Rajya Sabha rorel inkhawma coronavirus avanga ram chhunga doctor 162 thi anga a sawi chu mak an tiin an pawm lo hle.
Dortor pawl hian hei leng avanga an thawhpui nunna chân zat dik tak chhuitu turin sorkarin high-power committee a din an phut a, hri leng beihnaa thite chawimawi an duh.
Minister of State for Health Ashwini Kumar Choubey chuan Thawhlehnia parliament rorelna ins ang zawkah COVID-19 vangin doctor 162, nurse 107 leh ASHA worker 44 an thih thu a sawi.
Choubey-a hnena IMA president JA Jayalal-an lehkha a thawnah chuan sorkarin COVID-19 vanga doctor thi a chhinchhiah leh anniin an sawi a inang lo tih tar langin, anni chuan doctor 734 zet an thi a, general practitioner 431 an thi bawk niin an sawi.
Doctor 25 phei chu kum 35 pawh la tling lo an nih thu a a ziak bawk.
Jayalal-an minister hnena lehkha a thawnah hian doctor chuan mi pangngai aiin hri pawh an kai tam (viral load a sang) a, a kai zinga thihpui zat bi pawh a sang daih zawk niin a sawi bawk.