Jammu & Kashmir-a Kashmir Valley-ah kumin chhungin venhim hna thawktuten firfiak 230 vel lai that tawh mah se a dang 250 chu an la awm a, an la active em em reng.
Director General of police (DGP) Dilbagh Singh chuan tun hnai thla hnih lek chhungin J&K-a hel leh firfiak awm zat hi an tlahniam chak hle tih a sawi a; mahse, 250 chu an la awm reng tih a sawi.
Hel awm zat an tlakhniam chhan hi Kashmir-a thalaiten tharum thawha chet hian sawngsawhlawtna engmah a nei lo tih an hriat tawh avang leh hel pawl zawm tura châkna an neih tawh loh vang niin DGP chuan a sawi.
DGP chuan Dilbagh Singh lunga intawnga venhim hnathawktute nena innawr boruak pawh a tlem tawh tih a sawi a, mipuite hian venhim hnathawktute hi an thawhpui thiam tan tawh niin a sawi.
Police chuan hel pawla an commander lawkte chu an tum ber a la ni reng tih a sawi a. “Operation kan thlak reng reng hi an eng emaw thil pawimawh tak tichhe lo turin kan ti mai mai lo,” a ti a. Sorkarin helai bawra chengte chhawmdawlna leh hmasawnna tura hna a thawh chuan tharum thawhna a titlem sawt niin a sawi bawk.