Aizawl : Labour, Employment, Skill Development and Entrepreneurship (LESDE) department, Central YMA leh Common Service Center (CSC) te tangtlangin district panga – Mamit, Saitual, Serchhip, Lawngtlai leh Khawzawl ah mahni kut kea hnathawka eizawng (unorganized workers) te tana hamthatna (social security scheme) e-shram leh PMSYM registration camp an kalpui a, mi 3400 chuang inziaklut turin an tel.
Sorkar thuchhuahin a tarlan danin e-Shram hi Ministry of Labour and Employment hmalaknaa kalpui niin, kuthnathawka eizawngte sorkarin a chhinchhiahna pakhat a nih bakah registration ti te chuan sorkar atangin hamthatna chi hrang hrang an nei thei dawn a ni.
e-Shram registration hi veng leh khawtina Common Service Center (CSC)-ah mahni Aadhaar card leh bank passbook kengin kuthnathawka eizawngte tana pan theih reng a ni tih sorkar thuchhuah chuan a tarlang bawk.