Barceloina striker Robert Lewandowski chuan huntawp dawnah penalty a hlawhchhuak a, goal-ah khung bawkin 2-1 in Osasuna lakah a team a chakpui.
La Liga champion lai hian a zawna vawi thum nan league-ah hnehna an chang a, season tan ni ah Getafe nen an inhnehtawk avangin pathumna an ni mek.
El Sadar Stadium-ah Barcelona in bul an tan tha a, goal khung nghal thei an ni. Frenkie de Jong chuan goal ban a pet per a, a per let hi Lewandowski-a’n goal ruakah a khung lo.
Ilkay Gundogan chuan goal khungna remchang a nei bawk a. Mahse haftime dawnah hma hruai chauhin Gundogan-a corner atangin Jules Kounde in a tauh lut.
Minute 76-naah Chimy Avila chuan Osasuna si phurh a sut a, penalty area hmawr atangin goal mawi a khung.
Minute 84-naah Alejandro Catena chuan Robert Lewandowski foul in red card a hmu a, penalty chawi bawkin he goal hi Barca chakna a ni.
Barca coach Xavi Hernandez chuan, “Khang aia tha khan kan inkhel tur a ni a, keimahni ah pawh khang aia tha zawk kha kan inbeisei tur a ni. Ball kan chang tam a, mahse kan hmang tha lo. Dawhtheihna kan nei lo leh thin.” tiin a sawi.