Aizawl: Tlabunga village council leh tlawmngai pawl hrang hrang intelkhawmna, Joint Action Committee nimina thukhawm chuan September 15 ral hma ngeia MBBS doctor pakhat dah belh turin sorkar an ngen.
Tlabung JAC hruaitute thutkhawmnaah hian an khuaa MBBS doctor awmchhunin nau a neih dawn avangin tun hnai khan thla ruk chhung chawl tura a hna a chawlhsan thu sawi a ni a, an khuaa damdawi in chu district hospital tih loha damdawi in lian ber a nih thu leh OPD leh ward chu MBBS doctor pakhat talin uap loh chi-a an ngaih loh thu an sawi.
Tunlai hian an khuaah damlohna a tam lehzual avang leh an khaw pawhtu kawngpui a chhiat zual avang te, helipad pawh hman theih a nih loh vang tein damdawi in chu MBBS doctor pakhat talin a uap angaia an hriat thu an sawi a, September 15 ral hma ngeia MBBS doctor dah belh an ngenna a hlawhtling lo a nih chuan na zawka nawr zui zel dan tur la rel that leh an tum.
Tlabung damdawi ina thawktuten an chhinchhiah danin August thla chhung khan mi 460-te chuan khawsikpui an vei a, chawhrualin ni tin he natna kai thar mi 15 bawr vel an awm ziah ang a ni.
August vek khan mi 264 zette chuan rannung seh natna kai hmuhchhuah a ni a, hetihlai hian damdawi ina inentir chiah lo, mahni remchan dana in lama inenkawl damlo eng emaw zat an awm tih thudawn a ni.