MZP leh Zo Event Management ten raltlan tanpuina tura charity concert an buatsaih atangin nimin khan Darlawn leh Ratu khuaa Manipur raltlante tanpuina an hlan.
Tanpuina hi MZP hruaitute chuan a hmuna kalchilhin an hlan a; Ratu khuaa raltlan chhungkaw 11 te chu chhungkaw tin tan buhfai bag 1 leh Rs 500 theuh an hlan a. MZP Sub Headquarters Ratu hruaitu ten MZP General Headquarters hruaitute hi an tawiawm.
Heng bakah, Darlawn khuaa raltlan chungkaw 40 velte chu an mamawh leh tul apiang lei nan Joint YMA Darlawn leh MZP Headquarters, Darlawn te kutah Rs. 33,000 an hlan bawk.