Nimin kha Zirtirtute Ni, Teachers’ Day a ni a, Mizoram hmun hrang hrangah zirlaiten zirtirtute chawimawina niah an hmang.
Zirtirtute Ni hi sikul hrang hrangten an remchan dan angin an hmang hlawm a, sikul thenkhat chuan nilenga hun hmangin intihhlimna chi hrang hrang an buatsaih a, zirtirtute chawimawina an hlan a, zirlaiten an zirtirtute hnenah chawimawina thilpek an pe hlawm a ni.
Mt. Carmel School-in Lammuala Zirtirtute Ni an hmanna chu Chief Minister Zoramthanga chuan hmanpuiin zirtirtu hna chu hna zahawm leh chawimawi phu a nih thu sawiin, zirtirtute pawh ram nghahfak naupang leh thalaite an kaihhruianaah theihtawp chhuah chhunzawm zel turin a chah.
Zorama chuan zirlai kalkhawmte chu mahni inhnehna nun nei tura fuihin, khawtlang nun runtu ruihtheihthil lakah fihlim tlat a, a bawiha tlu lut lo tura mahni inthununna nun neih tum turin a chah bawk.