US space agency Nasa chuan India-in thlaa a kah kai lander chu thla leilunga a awm lai thlalak a tichhuak.
Thlalakah hian Vikram lander hi a lai takah awmin ‘a lirthei êngin a siam a hlimthla dumin a hual’ bawk.
Chandrayaan-3 lander hi August 23 khan thla chhim tawpah him takin a tum a ni.
Nasa chuan Lunar Reconnaissance Orbiter-a an thlalakna hmangin ni li hnuah a thla hi an la tih an sawi.
Thla hmasaa India-in Vikram lander hmanga thla leilung a rah chiah khan thla chhim tawp hnaiha tum hmasa ber a ni a, a rover ken, Pragyaan an tih chu chhim tawp atanga km 600 vela hlaah a tumpui a ni.
US, Soviet Union leh China dawta thlaa him taka tum leh thei a ni.
Lander leh rover hian thla leilungah ni 10 chuang hun hmangin data leh thlalakte chu an ram space research agency Isro hnenah thawnin ‘an thawh tur bituk aia thain an thawk’ niin an sawi hial.
Kartawpah khan Isro hian lander leh rover hi thlaah ni a tlak tan avangin an chawl hahdam dawn tih an puang.
‘Sleep mode’-ah an dah a, hetih chhung hian ‘mu hahdamin an solar power a tlem hret hret ang a, an battery pawh a zo zel ang’ tih an sawi.
Isro hian ‘September 22’ vela thlaa ni a chhuah lehah an harh leh theih an beisei a. Lander leh rover hian an battery charge nan leh hna an thawh nan ni êng an mamawh a ni.
Indian space agency hian lander leh rover chet velna hi an puang reng a, an thil hmuh leh thla an lakte pawh an pho chhuak reng bawk.
Kar tirah khan Isro hian Vikram hian thla leilunga a tih tur tha taka a tih thu a puang.