Los Angeles Lakers chuan free agent ni lai forward/center Christian Wood chu kum hnih contract an ziahpui.
Wood-a contract hi Dollar maktaduai 5.7 man hu vel a ni a, 2024-25 season a hman leh hman loh chu ama duhthlanna a ni ang.
Tun season a Western Conference a team tha zinga tel tura ngaih Lakers hnenah NBA Playoffs a che tha turin tha a thawh ve thei dawn a. A chetthat chuan nakkum free agency-ah a tan contract lian zawk hmuh theihna remchang a tha sawt dawn.
Lakers lamin player palian an mamawh ang chi tak an neih belh a. Woods hi ball khawih leh shoot lamah a rintlak bawk avangin Lakers in an front court-ah duhthlan tur player rintlak an neih belh dawn.
Wood an neih bakah free agent dang Jaxson Hayes an lakluh avangin Lakers hian season lo awm turah Anthony Davis chu center anga chhawr rim an ngai dawn lova, a duhna position-ah a khel thei ang.
Wood hian tun season liamta khan Dallas Mavericks tan khelin 16.6 points average a neih bakah 7.3 rebounds per game a nei bawk.
Kum 28 mi hian tunhnai season li chhungin 38% 3 points shooting percentage a nei bawk a ni.