Aizawl : Sorkar lapuia Ministry of Social Welfare & Tribal Affairs hnuai ami National Education Soci- ety for Tribal Students (NESTS), Mizoram Eklavya Model Residential School (EMRS) Society leh Social Welfare & Tribal Affairs (SW&TA) Department, Mizoram te tangtlangin an buatsaih – 2nd Mizoram State Level EMRS Cultural & Literary Fest 2023, September ni 7-8, 2023 chhunga neih tur chu nimin khan MZU Multipurpose Hall-ah Social Welfare & Tribal Affairs Minister, Mizoram EMRS Society Chairman ni bawk Er. Lalrinawma’n a hawng.
Social Welfare & Tribal Affairs Minister chuan Mizorama Ekla- vya Model Residential School hrang hrang 6 te tana Cultural & Literary Fest buatsaih a ni chu lawmawm a tih thu sawiin, rah tha a chh- uah ngei a beisei thu a sawi a. Thu leh hlain thil a tih theih thu leh mi ngaihtuahna chena a thlak hlawk theih thu sawiin, thu leh hla avangin indona leh inremna Mizo history-ah ngei pawh hmuh tur a awm thu a sawi.
Kalkhawmte chu hnam nunphung leh ziarangte zahpui lova chawinung zel tura chahin, hnam ziarang leh nunphung hloh chu hnam bo zia a nih thu Lalrinawma chuan a sawi a. “Kan hnam zia humhim hna hi midang kuta awm ni lovin keimahni ngei mawhphurhna a ni”, a ti.
Social Welfare & Tribal Affairs Department-in hnam nunph- ung leh ziarang vaw- nnun kawngah theih- tawp chhuah zel a tum thu pawh sawiin, SW- &TA Minister chuan September thla chhung hian Mim Kût hman tum a nih thu leh Mizo hmeichhiate humhimtu Zakapa hriatreng nan hmeichhiate dinhmun chawikawn leh humhi- mna kawnga thawk thate hnena hlan tur Zakapa Award, Rs 1,00,000 leh thuziak cheimawi kengtel cha- wimawina kumin ata- nga sem chhuah tum a nih thu a sawi.
Zirlaite chu hnam rohlu, ziarang, tawng leh nunphungte chu tlawmte angin lang mahse zahpui lova chhawmnung zel turin a fuih a. Hlawhtlinna chang thei tura thahnemngai taka thiam thil zir tur leh, midang tana malsawmna ni tura theihtawp chhuah turin a chah bawk.
He hun hmanpuitu dang AMC Corporator David Zohmangaiha pa- whin zirlaite chu thil dik leh tha nia an hriat tipui- tling thei tura theihtawp chhuah thin tur leh hnam ziarang leh nunphungte vawnghimtu nih tum tlat turin a chah bawk a ni.
Mizoram State Le- vel EMRS Cultural & Literary Fest 2023 hi September ni 7-8, 2023 chhunga neih tur niin, cultural leh literary item hrang hrang hmangin intihsiakna neih a ni dawn a. He hunah hian Mizorama EMRS 6 atangin zirlai leh zirtirtu 150 an tel a ni.