Tunah hian i taksa-in danglamna a tawng chho zut zut a, eng-nge thil thleng pawh hre mumal lo i nih chuan buai i hmabak tihna a ni mai. Naupai lai hian eng-nge lo thleng thin tih i hriat loh chuan, chhun lamah i rilru a hah anga, zan lamah mut i harsat dawn bawk tihna a ni e. Khai le, heng a hnuaia tarlan te hi ngun takin chhiar la, Doctor koh hun leh koh ngai lem loh hunte chu i hrehrang tawh mai turah ngai ang.
- Nâ (pain)
Pum (dul) vela thip leh nâ deuh char char a lo awm hian a mangan thlak tak zet thin a, a ziaawm mai lo a nih erawh chuan doctor koh vat tur a ni.
Na pangngai te hi chu thil thleng ve thin reng a ni a, buaina tur a awm hran lo. Chhul (uterus) a thanglian zel a, chu chuan taksa peng hrang hrang chu a nawr tawm ve hret hret a, chumi kal zel chuan nawm lohna leh insawiselna a thlen ta thin a ni.
- Thi tlem te te chhuak (spotting)
Hei hi a tir lamah chuan rilru tibuaitu lian tak a ni fo mai a, chutih laiin, ‘Na’ tih-nain a zui lo a nih chuan, chi-ai na tur a awm love. Hei hian chawlh tam tawk i ma-mawh zia a lantir a, doctor-in ni engemaw zat chhung ‘bed-rest’ turin a hrilh mai thei che.
A thuhrimin, thineih inbeisei laia ‘spotting’ lo awma hi thil thar em em a ni hran lova, chutih laiin hmeichhe tam zawk hian naupai lai hian thi an nei lo tlangpui a, thenkhat erawh tlem te te-in an nei.
‘Nâ’ tihnain a zui lem loh chuan ‘spotting’ hi buaipui hluai ngai chi a ni lo. Chutih laiin, thil awmdan erawh doctor i hrilh ngei a tha a, naupai intanna thla khat chhung khan a thleng duh hle nghe nghe.
Thenkhat phei chuan, thi a chhuak a lawm tiin nau an pai tih pawh an hre lo hial!
- Iron
Naupai lai hian taksain a mamawh em em, ‘Iron’ level hi a hniam nghal duak thin a, chuvang chuan iron sup-plement ei hi a tha a, tin, iron tamna- beans, Alu leh Arsa te hi a awmmawi tawka ei a tha.
Chutih laiin, Bekang lam chi leh ‘spinach’ ei zawh hnu-ah erawh iron damdawi hi ei nghal vat tur a ni lova, a chhan chu, a hipnat thin em vang a ni. Chaw ei zawh hnu rei vak lova serthlum tui in te hi thil tha tak a ni bawk.
- Ke kham leh nâ
Zing i tho va, i han inzi mar chiah mai chu i ke kha a lo na nghal em em ringawt mai thin a, minute khat vel emaw te a ni hial tihn ang! Hei hi ni eng-emaw zat i hmachhawn tur a ni a, a rei anga a zia hret hret ang.
Hetianga i awm thin a nih chuan Bang ngheng lovin ding la, i kut phah khan bang kha va dai la, hmalamah khan ‘awn’ la, kiu kha ti-awn deuh bawk ang che.
Thingthit tur a ni lo thung a, heng ‘exer’ hi nikhatah vawi 5-10 lak a tha.
- BP (blood pressure)
Hmeichhei tam takte hian ‘BP’ chungchangah harsatna an nei nghal mai thin a. PB tehna khawl i neih phei chuan in-chhawp a hun tawh viau.
Doctor hnena i kalin BP enfiah a tha bawk. BP kha 130/90 te a nih chuan fimkhur a tha hle tawh ang. Engpawhnise, i thil hmuh a fiah lo a nih chuan doctor entir vat tur a ni.
BP hian khawhmuh fiah lo, Luna, chau ngawih ngawihte hi a thlen avangin inven uluk hle a ngai a ni.