Brazilian playmaker Philippe Coutinho chuan Aston Villa atangin season tluan atan loan in Qatar Stars League champions Al Duhail a zawm.
Zirtawpni zan khan Premier League club hian kum 31 mi hi an chhuahtir thu an puang a. Kum 2022 January khan Barcelona atangin loan in an hawh a. An tan vawi 19 inkhelin goal nga a khung hnuah Pound maktaduai 17 in a nghetin an lei.
Tun season liamta lamah erawh beisei angin a che tha lova, vawi 22 chiah inkhelh tir niin goal khat a khung.
Brazil tan nikum June thla a South Korea laka goal hnih a khung hnuah a la inkhel leh lova, ram tan vawi 68 inkhel tawhin goal 21 a khung tawh.
Al Duhail-ah hian Argentine striker Hernan Crespo hnuaiah a khel dawn a, Qatar Stars League-ah tunah pathumna an ni mek.