Aizawl : Hnahlan-a Police Beat Post dah thar chu Inrinni khan Champhai North bialtu MLA Dr ZR Thiamsanga’n a hawng.
Hnahlan Police Beat Postm Hnahlan Tlang- nuam Veng ami hian – Hnahlan, Khuangphah, Vaikhawtlang, Vapar, N. Diltlang, Murlen, Tualcheng, Lungphunlian leh Selam te bial dawn tih sorkar thuchhuah chuan a tarlang a. A bultan nan Head Constable Ramhmingthanga hovin Police 6 dah an nih thu a tarlang.
Sorkar thuchhuahin a tarlan danin Hnahlan hi Free Movement Regime hnuaiah Myanmar leh India khua leh tui te luh leh chhuahna hmun Entry and Exit Point atan sorkarin a ruat bawk a ni.
Hnahlan Police Beat Post thar hawngtu ZR Thiamsanga chuan Hna- hlan Police Beat Post thar chu Hnahlan leh a chhehvel khuate himna leh kawng hrang hranga hmasawn zelna kawngah ruhrel pawimawh leh hmasawnna ropui tak a nih thu sawiin, hmalatu khawtlang hruaitute, tlawmngai pawlte leh Police hotute lawm- thu a hrilh.
Champhai North bial- tu MLA chuan Hnahlan Police Beat Post a thawktute chu an mawhphurna tha taka hlen chhuak tur leh khawtlang mipuite tana innghahngamna ni tura tan la turin a chah a. Sorkar hmunhmate enkawl that chu khua leh tui te mawhphurna a nih thu pawh sawiin, Police tha tichak zawnga hma lo la zel tur leh neitu rilru pua a hmunhmate lo enkawl pui turin khawtlang mipuite a ngen.
Hnahlan Police Beat Post chu hun lo kal zel turah Police Station puitling ni thei tura hmalak chhoh a tum thu ZR Thiasanga chuan sawiin, MLA fund atanga la thuamthat chhoh zel a tum thu a sawi bawk.