Aizawl : Bawngkawn Brigade Field tlaklama veng mipui sum thawhkhawm hmanga kawng siam thar chu nimin khan Minister K. Lalrinliana’n a hawng.
Minister K Lalrinliana chuan khawtlang mipui sum thawhkha- wma kawng tangkai tak tur siam a ni chu lawmawm a tih thu sawiin, “kan tanrual chuan thil ropui kan ti thei a ni tih tilangtu a ni” a ti a. Rilru thianghlim taka sorkar rinchhan ngawt lova hmalak a ni chu fak- awm a tih thu sawiin, a hlawhtlin theihna tura mimal inphal te lawmthu a hrilh.
Tuna kawng siam chin bak siam zawm leh na tur bialtu MLA atanga sum ruahmanna awm leh hmabak dang la awm pawh a hlawh- tlin thuai a beisei thu K Lalrinliana chuan a sawi a. PWD engineer ten an enfiah tawh thu leh blacktop na tur leh siam chhunzawmna tur pawh ruahman a nih thu a sawi.
Bawngkawna kawng hawn thar hi metre 180 a thui, metre 3 a zau a ni a. Mi 35 atanga sum hmuh hmanga siam niin, he kawng siamna tura sum tlingkhawm Rs. 3,06,000 a ni a, August ni 15, 2023 khan siam tan a ni.