AZL: September 4, 2023 atanga AH&Vety department-in Aizawl khawpui huam chhung leh a chhehvela bawng vulha hlawhtling (Diary Progressive Farmers) an thlanchhuahte thlawhchhuahna hun an neih chu nimin khan an zo fel.
Tun tumah hian AH&Vety hian bawng vulhtu hlawhtling tlawh chhuah tura an thlanchhuahte hi mi 32 an ni. He’ng an thlanchhuah bawng vulhtute chu an inah tlawhin bawng an vulh dan te, bawng in an sak dan te, bawng hnute an sawr zat leh an chaw pek dan te bakah, an bawng vulhte hriselna te an endik a. Bawng an endik zingah no pai lai eng emaw zat an awm bawk.
AH&Vety dept hotute chuan, he hunah hian ran damdawi thahnem tak an sem nghal bakah, ran damlo leh ran enkawlna atana siam inbiakpawhna toll free call centre 1962 chungchang bawng vulhtute an hrilhfiah nghal zel bawk.
Bawng vulhtute tlawhchhuak hian department atangin senior officer-te leh doctor-te chu team parukah inthenin, veng 20-a bawng vulhna hmun an tlawh.