Juventus midfielder Paul Pogba chu a taksa ah testosterone a sang lutuk tih doping test-ah hmuh a ni a, hei vang hian inkhel thei lo tura hrem lailawk a ni.
Italy a anti-doping agency Nado Italia chuan Pogba hi August 20 a Juventus in Udinese 3-0 a an hneh hnuah test a nih thu an sawi.
Kum 30 mi France international hi he inkhelah hian substitute bench ah awmin dah luh a ni lova, inkhel zawhah post-match drug testing nei tura player thlanchhuah zingah a tel.
Pogba chungchang hi ngaihtuah a la ni dawn a, chhui chian a nih hnuah damdawi hman phal loh hmang lui chungchanga thiam loh chantir a nih chuan kum hnih atanga kum li thleng hrem theih a ni ang.
Juventus chaun Pogba chungchang an puanzar naah hian club chuan an kalpui zel dan tur an la ngaihtuah tur thu an sawi.
Pogba agent Rafaela Pimenta chuan test nawn leh turin sample an la leh dawn tih a sawi a, “Thil chiang awmchhun chu Paul Pogba hian dan bawhchhiat a tum reng reng lo tih hi a ni.” tiin a sawi ve bawk.
Pogba hian ni thum chhungin test a paltlangna a thehlut thei ang.