Mizoram sub junior football team chuan Hero Sub Junior National Football Championship 2023-24 final ah 3-0 in Manipur an hneh a, champion trophy an la.
Berhampore Stadium a Thawhlehni a inkhelah Mizoram hian an khingpuite an thunun a. Minute 4-naah Lalruatdika hmanga goal khung nghalin bul an tan tha.
Second half-ah Henry Lalhnehzova leh Isak Lalmalsawma ten goal an khung belh a. Isaka hian tun tournament-ah hian goal sarih a khungna niin Mizoram team a goal khung hnem ber a ni bawk.
Mizoram hi Sub Junior National Football Championship-ah hian kum 2016-17 season a Calicut a an champion hnua an champion leh hmasak ber a ni.
Tun tournament-ah hian Group stage ah Odisha, Kerala leh Maharashtra te an hneh vek a, semi-final ah extra time ah Uttar Pradesh an hneh leh bawk.