Aizawl : Aizawl District Water & Sanitation Mission (DSWM) chu nimin khan Aizawl Ba- wrhsap Nazuk Kumar hova thukhawmin, Aizawl district-a Jal Jeevan Mission hnuaia functional household tap connection (FHTC) hmalakna leh Swachh bharat mission (gramin) hnuaia ODF plus model puitlin tura hmalakna chungchang an sawiho.
FHTC kaltlang hian kum 2024 ah chuan thingtlang in tinah tui connection pe tura hmalak a ni a. DSWM chuan Darlawn WATSAN Sub-Divion leh RWSD a tui connection pek dinhmun te thlir- hovin, RWSD hnuaiah khaw 33 ah hmalak niin, 19 ah hna zawh fel tawh a ni a. Darlawn watsan sub division ah hian town pakhat leh thingtlang 31 awmin, JJM hnuaiah scheme 23 kalpui a nih thu sorkar thuchhuah chuan a tarlang.
Sorkar thuchhuain a tarlan danin, SMD (G) hnuaia Open defecation free plus hnathawh kal mek chuan block pali (Aibawk, Tlangnuam, Thingsulthliah leh Darlawn) a huam a. Heng hmalakna hnuaiah hian Community Compost Pit, Community Sanitary Complex siam te, in tin a latrine siam leh plastic thliarhranna (Pl- astic Segregation Shed) siam te a tel. Aibawk leh Tlang- nuam block-ah SBM hm- alakna zawh tawh a ni.