Zonet Toyota Mizoram Premier League round 5 ah kaithar Project Veng FC in point an hmuh belh a, 1-1 in team tha Chhinga Veng FC nen an inhnehtawk.
Nilaini a 1st Bn. MAP Ground a inkhel hmasa zawkah hian Kolasib team in kaithar nimahsela tawh an khirh tih an lantir nawn.
Minute 17-naah Chhinga Veng tlarhnung phuahchawp in an penalty area atang ball an pet chhuah theih loh chu remchangah an la a, Lalkrawsmawia’n goal a khung.
Chhinga Veng in player an nei chhe lova, minute 55-naah Lalnunzira’n goal mawi khungin an si phurh a sut.
Inkhel hnuhnung zawkah team hmuhnawm pahnih an inkhel a, Electric Veng in a zawna vawi hnih an chakna ni turin FC Venghnuai an hneh.
Team naupang, football hmuhnawm khel thin Electric Veng in first half-ah Lalhriatpuia hmangin minute 18-na leh 44-naah goal an khung a. Venghnuai tlarhnung an thiat tha thin.
Venghnuai tan second half-ah Lalchhanchhuaha’n ball vawrh luh tha atangin goal a khung a. A team tan beiseina thar siam mahse Lalbuatsaiha-’n huntawp dawnah Electric Veng goal thumna a khung a. EVFC hian palina Police point hmuh an zat an hmu tawh.