Aizawl: Serlui bial chhung khaw thenkhata SEDP chhungkaw lam hawi thawh hnihna dawng turte chu nimin khan Bilkhawthlirah ko khawmin zirtirna pek an ni a, he hun hi Serlui bialtu MLA Lalrinsanga Ralte chuan a hmanpui.
Lalrinsanga Ralte chuan SEDP dawngtute chu SEDP trade-ah hlawhtlinna a awm tih hre tur te, a nihna ang taka hmang tura chahin rinawm turin a fuih a, sorkarin kuthnathawka eizawngten lei rem an rah theihna atan ruahmanna hrang hrang siamin a kalpui thin thu sawiin SEDP dawngtute chu an chhungkuain lei rem an lo rah vea hmasawnna atana hmang theuh turin duhsakna a hlan a ni.
SEDP dawng turte intawhkhawmna hunah hian Bilkhawthlir leh a chhehvel khaw hrang hrang – Buhchangphai, Phaisen, Saihapui K, Bukvannei leh N.Thingliana dawng tura thlante an kalkhawm a. Line dept hrang hrang – soil, vety leh fisheries Dept hnuaia dawng turten APR an sign nghal a ni.