Manchester United chuan U.S. technology company Qualcomm nen thawkdun turin inremna an nei a, season tharah an kawr hmaah Snapdragon chu an shirt sponsor a ni tawh ang.
Premier League club hian Qualcomm nena an inremna hi chiang takin puangzar lo mahse US lama chanchinbute chuan kum khatah Pound maktaduai 60 ni tura ngaih a ni a. Hei hi Euro in maktaduai 75 niin Real Madrid in Fly Emirates nen an thawhdunna chu khumin khawvel football a man tam ber a ni ang.
United hian kum 2021 khan German tech firm TeamViewer nen kum nga chhung thawhdunna an ziak a, anni hian Chevrolet an thlak a ni.
Mahse United hian nikum December khan TeamViewer nen hian inremna neiin an thawhdunna tihtawp theihdan an neih thu an sawi a. An inremna hi Covid 19 hripui lenlai in khawvel sumdawnna a nghawng thlir tel chunga siam a nih avangin ngaihtuah tha leh turin inbiakremna an nei.
Snapdragon hi 2024-25 season atangin Manchester United mipa leh hmeichhe team kawr hmaah a chuang tan ang.