Mizoram Basketball Association buatsaih Mizoram Rural Bank 13th Inter School Basketball Tournament 2023 final a inkhel turte a hriat kim tawh a. Inelna huang thumah semi-final khelh zawh tawh a ni.
Nilaini khan Hawla Indoor Stadium, Republic Vengthlangah inelna neih a ni a. Middle section inelnaah Graceland leh North Point ten final an lut.
Graceland hian 61-41 in English Congregation an hneh a, North Point in 66-62 in Govt. Nursery an hneh.
High School-ah Home Missions in 78-65 in Living Water an hneh a, St. Joseph’s in 64-58 in Mount Carmel an hneh.
Ningani khan Higher section-ah semi-final hi khelh chhunzawm a ni a. St. Joseph’s in 85-51 in Home Missions ‘A’ an hneh a. Inkhel hnuhnungah St. Joseph’s B chu 56-65 in Mount Carmel lakah an tlawm.
Final hi karleh Ningani hian an khel ang.