Lakhuihthei hmin pakhat hian Vitamine B-6, Folate, Thiamine, Iron, Manganese leh Vitamin C te a pai a. A tui no khat hian calories 75 te, Vitamin C 25mg te, 0.17mg Thiamine te, 16mg Folate te, 0.15mg Vitamin B-6 te, 0.6mg Iron te leh 2.6mg Manganese te a pai a ni.
Hriselna atana tha : Fibre tam tak a pai avangin lakhuihthei hian thisena cholesterol sang lo turin a veng a ni.
Cancer vengtu Sipai : Ferulic Acid a awm avangin taksaa cancer insiam tur vengtu tha tak a ni. Ferulic Acid te chu plant chemical chi khat a ni.
Rih leh thau lutukna : Lakhuihthei regular taka ei chuan mahni phu tawk aia rih lutuk leh thau lutukna a veng thei.
Lung natna : Bromelain enzyme (chawl) hi lakhuihtheiah a awm avangin lung tha lo a veng thei. Heart attack leh stroke a veng tih damdawi lam thiamte’n an hmu a ni.
Tihrawl vung : Vung leh tihrawl na (sa/kang) a thunun thei. Thenkhatte chu lakhuihthei ei hnuah taksa a bawl a, a thak thin bawk a ni. Hei hi Bromelain vang a ni. Hetiang mi chuan lakhuihthei ei loh mai a tha.
Pumpui thip : Mi thenkhat pumpui chak lo leh pumpui ulcer neiin lakhuihthei an eiin pum nuam lo an hria a, lakhuihtheiin Iron a pai vang a ni. Zunthlum nei tan lakhuihthei hi ei loh a tha thung.
Lakhuihthei leiin a rawng eng thar sar te thlan ni se. A rim thlum that leh thlum that lohte en a, a rawng a buang a nih tawh chuan a tha vak tawh lo a ni thei. A hnah a la hring tha em, a dup tawh nge a la ruh tha tih pawh en a tha. Chhin phui tha si lova ualau taka vel sa zawrhte hi ei loh a him. Ei laiin nimbu tlem leh chi tlem telh a ei chu a tui dan a dang daih a ni.
Tin, lakhuihthei ei tam hian ka pilh thinte pawh a veng a ni. Zan mut dawna lakhuihthei tlem emaw, kurtai tlem emaw, khawizu tlem emaw ei hian pum nuam lo, pumpui chak lo leh pumpui ulcer nei tan a tha a ni.