Champhai District chhunga High School leh Higher Secondary School zirlaite tan ‘Career Mela’ buatsaih a ni a, nimin khan Champhai Venglai Community Hall-ah Transport Minister TJ Lalnuntluanga’n a hawng
Minister TJ Lalnuntluanga chuan tunlai khawvel changkang chho zelah Mizoramah pawh job opportunity thar tha tak tak a awm tawh thu sawiin zirlaite chu officer hna leh hna lian danga kan ngaihte mai piah lamah mahni tui zawng leh thiam zawng lam ngaihtuaha rilru nei taka kepen turin a chah.
Manuna chuan, “Mizote chu tawngah kan chakloh thin avangin kan nih tur kan thlen phak loh fo thin,” a ti a, zirlaite chu English, Hindi leh tawng dangte pawh zir nachang hre turin a chah bawk.
He huna khualzahawm Champhai DC & Chairman District Education Committee James Lalrinchhana chuan district chhunga zirna in hma asawn zel theihnan District Education Committee chairman chuan zirtirtute leh zirlaite theihtawp chhuaha, an zirlai mai piah lamah an eizawnna kawng zawh tur lo inzir turin a chah.
Hawnna inkhawm hi C.Lalbiakzauva, DEO & DPC Samagra Shiksha chuan kaihruaiin chawhnu lamah Rosangliana, DLEO Champhai chuan Job Oriented Career chungchang lecture a pe a ni.