Bundesliga a kaithar club 1. FC Heidenheim 1846 chuan an club chanchin a vawikhatna atan German football inelna sang berah hnehna an chang a, Werder Bremen lakah 4-2 in an chak.
Voith-Arena-ah Heidenheim hian Bremen hi an mikhual a, an inkhelh hnuhnun bera Borussia Dortmund laka point an hmuh hnuah bul tan tha viau in minute 5-naah penalty atangin Tim Kleindienst chuan goal a khung a. Halftime dawnah Werder player hlui Eren Dinkci chuan goal khung belhin 2-0 in second half-ah hma an hruai.
Werder hian Marvin Duksch leh Mitchell Weiser te hmangin second half-ah an si phurh an sut a, mahse minute 68-naah Dinkci bawkin a goal hnihna a khung hnuah Werder player hlui dang Jan-Niklas Beste chuan Heidenheim goal li na a khung.
Heidenheim coach Frank Schmidt hi German football a club pakhat enkawl a hna thawk rei ber record siamin ni 5844 chhung Heidenheim coach a ni tawh a. Kum 1991 atanga 2007 inkara Freiburg coach Volker Finker record siam chu a khum a ni.