- Shri Indevar Pandey; Secretary, Ministry of Women and Child Development
Khawvel politics leh inlaichhina inthlak dangmek ah hian beiseina leh hmasawnna tur kawl a eng mek. G20 New Delhi Leaders Declaration of 2023 chu hemi kawnga hma hruaitu a ni a, hmeichhia te dinhmun chawisanna leh mipa leh hmeichhia intluk tlanna a alo awmtheih nan leh an dinhmun chawisanna atan khawvel pumah hmalak a tum a ni. India Presidency hnuaiah hian G20 hruaitute chuan hmeichhia te dinhmun chawisanna tura Working Group siam a remti a, hei hian G20 Women’s Ministerial a pui ang. He thlutlukna hian hmeichhia leh mipa intluk tlan theihna tura khawvel huapa hmalakna chu a ngaih pawimawh zia a tarlang a ni.
India Presidency hnuaia G20 hi Prime Minister Narendra Modi-a‘Amritkaal’vision atanga intan a ni a, ‘Nari Shakti’ (hmeichhia thiltihtheihna) chu economy leh society kawng tinrengah lawm a ni. He vision hi hmang tangkaiin India’s G20 Presidency chuan a vawi khat nan hmeichhiate hmasawnna atangin ‘Women-led Development’ lam a ngaihtuah a ni.
Kum tam tak chhung chu hmeichhia leh mipa inthlauhna duhtute chuan he thil pawimawh tak hi khawvel pum huap agenda-ah hmahruaituah an dah a ni. Khualzinna hi a rei a, a harsa hle a, kawngpuiah hian harsatna tam tak a awm bawk. G20-in kum 2023-a an thupuanah Gender Equality chu thupui ber atan an dahlut a, khawvel puma hruaitute, sorkarte, civil society leh stakeholder-te thawhrimna leh inpekna nghet tak a lantir a ni.
Ministry of Women and Child Development chuan hemi kawnga thahnemngai hmeichhia, entreprenuers, Innovators, scientist, khawtlang hruaitu leh thawktute bakah private sector, civil society academia, research institute, defence lama thawktu leh sawrkara hnathawk te a kokhawm a. An ni bakah hian hram hrang hrang atangin International Organisation leh hmeichhia dinhmun chawisan tum pawlte chu palai leh thusawi turin G20 ah hian a hmang a ni.
Ministry-in a ngaihtuah pawimawh ber pali a ni a, chungte chu Education: Hmeichhe tihchakna kawnga game tidanglamna kawng, Women’s Entrepreneurship : Equity leh economy tana win -win, Grassroots leh Hmeichhia te pawh huamin Level zawng zawngah Women’s Leadership tihhmasawn nan Partnership siam a ni leh Hmeichhe naupangte chu Climate Resilience Action-a Changemakers an nih thu an sawi bawk. Hmeichhia tihchakna atana digital skilling hi heng thil pawimawh zawng zawngah hian cross cutting theme a ni. Heng hmunte hi G20 EMPOWER hmalakna leh W20 engagement group-te chuan an sawiho a, an ngaihtuah a ni. Heng meeting-a thil pawimawh tak takte hian Chair’s Statement of the Ministerial Conference on Women Empowerment-a pawm, a tawpah G20 Leaders’ Declaration-a hmun nghet tak changtu, hmeichhia leh mipa inthlauhna chungchanga thutiam nghet tak takte chu a rawn tichhuak a ni.
Hei hi a tel lo hle!International delegate leh stakeholder dangte nena inremna siam leh inbiakna neih chu thil sang tak a ni. Ram thang mekte tana thil pawimawh tak takte chu hnam changkang zawkte tan chuan a inmil tawk lo fo thin.
G20 kalkhawmna reng reng ah hian khawtlang hruaitu hmeichhia te an telh loh chuan hriselna, ei leh in, zirna leh entreprenuership lama hmasawnna tumna hian awmzia a nei dawn lo tih palaite chuan an hria a. Hei bakah hian ‘Best Practices Playbook’ legacy-ah hian ‘Hmeichhe entrepreneur leh hruaitute tualchhung level-a thlawp’ tih hming puin focus area thar dah belh a ni bawk.
Hmeichhia tihchakna atana digital skilling chu heng thil pawimawh zawng zawngah hian thupui inzawmkhawm a ni. Prime Minister Modi-a’n digital gender divide tihtawp a tumna hian 2nd – 4th August, 2023 chhunga MCWE neih chhung khan hmeichhiate tana digital skilling lam hawia ground-breaking ‘Tech equity’ platform a tlangzarh a, chubakah, partnerships with MCWE-ah hian G20 ramte chu digital skilling platform hi a chhunzawm zel theih nan a thlen theihna tur zau zawka siam a ni. Tawng 120 chuang hmanga siam theih a ni a, tunah chuan G20 ram hrang hrang atanga hmeichhe naupang leh hmeichhiate tan an career tihhmasawn chakna turin digital skilling leh upskilling course zir turin registration neih theih a ni tawh.
A rah chhuah langsar dang chu Mentorship Platform a ni. Hei hi khawvel pum huap oasis-ah chhiar theih a ni a, G20 ram atanga hmeichhe mentor-te chuan an thil tawn leh thiamna te chu mentee-te hnenah an insem a, hmeichhia zawng zawngte tihchakna tura vision inzawmkhawm (collective vision) kalpui a ni.
Mi hlawhtling tawhte chanchin leh an zinkawng tha tak tak te hi entawn tur tha tak a ni a. A vawi khat nan Presidency hnuaiah G20 EMPOWER Website hi ram 9 atanga thawnthu 73 infuih tharna tur stage a ni ta a, G20 ram hrang hranga hmeichhiate hnehna chang tawhte zinkawng mak tak takte document a ni.
Indian G20 Presidency chuan policy leh strategy-te’n nghawng dik tak a neih theih nan chuan sawihonaah mipui telh ve a pawimawh tih a hria a, hei hian G20 thusawiah ‘Janbhagidari’ rilru a luhtir a ni. Ministry of Women & Child Development chuan hmalakna leh engagement group kaltlangin mipui 300,000 chuang chu walkathon atanga Women-led Development tarlanna flash mob thlengin hlawhtling takin a inrawlh tir a ni. Ministry hian international conference hrang hrangah exhibition a buatsaih a, tualchhung hmeichhe kut hnathawktute, kut hnathawktute leh hmeichhe entrepreneur-te tan an thil siam leh thiamna pholanna tur hmun siamin India’s G20 Presidency chu mipui tana thil thleng dik tak a ni.
G20 New Delhi Leaders Declaration of 2023 hi beiseina eng mai ni lovin, hmalakna tura kohna a ni. Ram hrang hrangte chu thusawi (retoric) kal pelin, hmeichhia leh mipa inthlauhna kawngah awmze nei taka hma la turin a fuih a ni.