Faina beihpui thlakna atana sorkar laipuiin programme a duan, Swachhta Hi Seva hnuaiah nimin khan Akashvani Aizawl chuan faina beihpui a thlak.
Akashvani Aizawl Director leh Head of Office DR Lalropuia chuan he hun hi kaihruaiin he ni puala sorkar laipuiin faina kawnga thutiam a siam, Swachhta Pledge sawi rualin hemi hnu hian an office leh a chhehvel tifaiin an hnatlang nghal a ni.
He hunah hian DR Lalropuia chuan faina a pawimawhzia sawiin mi tinte faina kawnga hma lak theuh a pawimawh thu a sawi.
Kumin Swachhta Hi Seva thupui atan ‘Bawlhhlawh Awm Lohna India Ram’ Garbage Free India tih chu thupui atan hman a ni.
Swachhta Hi Seva Campaign hi India hnam pa, Mahatma Gandhi pian champha, October 2 thleng hman tura ruahman a ni.