Kum 23 hnu-a member kima an han inhmukhawm chiah chu mittui a sur a, lawm avangin an biangah mittui a luang. NSYNC an ni.
Boyband lar tak ni thin te hi September 12 zan khan 2023 MTV VMAs semnaah inlanin, Taylor Swift hnenah award an hlan. Hemi tuma an inlan hian rimawi khawvel a chawk phur zui hle.
NSYNC member Lance Bass chuan, “A vawikhat nan studio-ah kan inhmukhawm a, kan insum zo lova, mittui a luang nasa. Lawm avanga mittui vek a ni thung. Hun duhawm leh lawmawm tak kan tawng a ni ber mai,” a ti.
Boyband hlawtling takah hian Justin Timberlake, Chris Krikpatrick, JC Chasez, Joey Fatone leh Lance Bass te an awm a, kum 2000 tir lam khan an lar hle a ni.