Shah Rukh Khan film, ‘Jawan’ chuan box office-ah history ropui siamin, khawvelpumba cheng vaibelchhe 1,000 (Rs Billion 10) a kapchhuak.
Heti ang dinhmun thleng thei tur hian ni 18 chiah hun a mamawh a, tun Pathianni kalta khan ‘Jawan’ hian Rs 1,000 crore club a lut fel.
‘Jawan’ hi khawvelpuma Hindi film hlawhtling leh sum lalut hnem ber pathumna a ni chiah a, Aamir Khana, ‘Dangal’ leh SRK film dang, ‘Pathaan’ a phak lo. Top 3 dinhmum luah a, Rs vaibelchhe 1,000 chuang lalut thei film nih hi thil namai lo leh hlawhtlinna ropui tak a tling.
Shah Rukh Khan tan paw’n Rs 1,000 club-a film pahnih nei thei Indian actor hmasa ber a ni zui nghal bawk a, mak angreng takin kumkhat chhunga tlangzarh ve ve a ni lehzel bawk nen, SRK huhang natzia leh thiltihtheihzia chiang takin a lo lang.