Toronto Raptors chu tunkara inbiakna an kalpui hnuah Portland Trail Blazers star Damian Lillard trade hmanga lalut thei tura awm ang ber an ni mek.
Raptors leh Blazers te hian inbiakna tunhnaiah an kalpui a, inremna erawh engmah siam a la ni lova, Lillard lam atangin engmah thawm a la awm lo bawk.
July 1 khan Lillard hian Blazers hnenah hian trade hmanga chhuah dilna a thehlut a, Miami Heat a kal a duh.
Chhuah a dilna atang hian thla thum liam dawn tawh mahse Miami Heat nen inremna neih lam an la hnaih lo.
Heat hian an shooter Tyler Herro leh first-round draft pick pahnih pe tel turin an dawr a, mahse an inbe rem lo.
Raptors hian Lillard lalut tur hian NBA All-Star Pascal Siakam, 2022 NBA Rookie of the Year Scottie Barnes, forward O.G. Anunoby leh rookie shooter Gradey Dick te pek tel theih zingah an dah nia ngaih a ni a. Blazers hian feet 6 leh inches 8 a sang player hmabak nei eng tak Dick hi an ngaihven nia ngaih a ni bawk.
Lillard trade hi October 2 hma a tihfel a nih beiseina NBA team zingah a lian viau a. Karleh atangin season thar atan practice an nei tan hlawm ang.