UFC flyweight champion vawi hnih ni tawh Brazilian fighter Deiveson Figueiredo chuan kumtawp hma in bantamweight-ah a insawn chho dawn a. December ni 2 hian cage chhung a lut ang.
Kum 35 mi Figueiredo hian bantamweight veteran Rob Font a hmachhawn dawn a. UFC Fight Night ah intumin an pahnih a chak zawk hi bantamweight title inchuhnaah an buk a rit hle ang.
Figueiredo hi tun nipuiah flyweight-ah tho inlan leh tura tih nimahsela inhliam avangin a inhnukdawk a, hemi hnuah hian bantamweight a insawn a thlang zui a ni.
Flyweight a number 2 rank fighter ni lai Figueiredo hian January khan Brandon Moreno lakah a title a hloh a. Moreno nen hian kum 2020 atang khan vawi li intumin vawi khat a chak a, vawi hnih tlawmin vawi khat draw a nei.
UFC flyweight-ah Demetrious Johnson nen a tawp thlen ngai lova chak nei hnem ber niin vawi sarih ve ve an chak.
A khingpui tur Font hi 20-7 MMA record nei niin August khan contender Cory Sandhagen lakah a tlawm a. A inlan hnuhnung pali atangin vawi thum a tlawm. Bantamweight-ah no.7 rank niin Figueiredo a hneh chuan a dinhmun a siam tha hle ang.