MZP Hqrs. Saitual chuan Govt. Saitual Higher Secondary School-a Education Lecturer Peter Vanlalhluna aiawh awm lova, a transfer duhloh zia lantîr nân School tualah Transfer Order an hal.
He hun ah hian MZP Hqrs. Saitual President P.C Lalthansanga chuan thu sawiin, zirtirtu indaih loh nasa tak karah an neihchhun pahnih zinga paknat an sâwn chhuah sak leh zel chu zirlai te hmakhua ngaih loh na leh inzah lohna lian tak nia an ngaih thu a sawi a, Peter Vanlalhluna- transfer- order cancel sak emaw, a rang thei ang bera a aiawh Regular Lecturer ngei dah sak tûrin sorkar an phût tlat tih a sawi.
He hun ah hian Govt. Saitual HSS zirlaite bakah hmun dang atangin zirlai thahnem tak an pungkhawm a, he hun ah vek hian pungkhawm zirlaite chuan lungrual tak in resolution an pass.
Tun thla ni 30 chhung ngeia Transfer Order cancel sak emaw, a aiawh Regular Lecturer ngei dahsak an phut a, an ngenna a hlawhtlin loh chuan tiamchin awm loin zirlai ten School an kai lo anga, zirtirtute pawn office an kai hek lo ang tih an resolution ah chuan an tarlang a ni.