Napoli striker Victor Osimhen-a agent chuan Italian club social media account-ah an striker tih elna video phochhuah a nih avangin dan anga thubuai siam turin ngaihtuahna an seng thei tih a sawi.
Thawhlehni khan Serie A champion lai hian an TikTok-ah Osimhen tihelna video hi dahin an la thla leh nghal thuai a, amaherawhchu social media-ah a darh hman.
Roberto Calenda chuan thuchhuah siamin video darh chu a player tihmingchhe vak thei a nih thu a sawi a. “Vawiinah Napoli in an club hminga TikTok-ah thil pawm zam theih miah loh a thleng. Victor tihelna hi mipui hmuhah pholan a ni a, a darh hnuah paih leh a ni.”
“Victor-a hamthatna te leh a thlavang hauh tur hian dan anga hmalak theihna kan nei a, kan hman tur kan la ngaihtuah ang.” a ti.
Pathianni a Bologna nen an inkhelh tumin Osimhen hian penalty atang goal a khung lova. Huntawp hma in lakchhuah niin coach Rudi Garcia nen an inchhang deuh tih hmuh theih a ni a. Garcia hian an buaina chu engmah a nih loh thu erawh a sawi tawh.