Mizoram Kohhran Hruaitute Committee (MKHC) hruaitute’n sorkar laipuiin October ni 1, Pathiannia Faina Beihpui thlak hnatlang kalpui a tum chu Mizoramah hmang ve loa, a ni sawn turin Chief minister an ngen.
MKHC hruaitute chuan nimin zing khan Zoramthanga chu a pisaah hmuin, Faina Beihpui thlak hnatlang neih hun tura ruahman chu Kristiante ni serh pawimawh tak, Pathian an biakna ni a nih avangin hemi ni khera hnatlang neih tumna chu Mizoramah hmang ve lova, a tuk October ni 2, 2023 Thawhtanah) sawn turin an ngen a ni.
An ngenna hi tihhlawhtlin a nih chuan UD&PA Department-in Nationwide Cleanliness Drive chungchanga MKHC hnena a ngenna leh Kohhran tina chhiar chhuah tura Thuchah a siam pawh tha taka tihhawhtlin an inhuam thu Zorama chu an hrilh.
Zorama pawhin an ngenna chu tihhlawhtlin ngei ṭha a tih thu a lo hrilh a, a tuk Thawhtannia hman zawk chu a remtihpui thu MKHC hruaitute hnenah a lo hrilh a ni.