Odisha FC in Indian Super League-ah Mumbai City FC an hneh teuh hle a. Huntawp dawna Jorge Pereyra Diaz goal khung hmangin Mumbai in point khat an hmu a, 2-2 in an inhnehtawk.
Ningani zana Kalinga Stadium a inkhelah hian Mumbai City coach hlui Sergio Lobera in Odisha a enkawl hnua a vawikhatna atan a club hlui a hmachhawn.
First half tawp dawnah Odisha in Isak Vanlalruatfela ball siamsak atangin Jerry Mawihmingthanga hmangin goal an khung a. Hei hi second half tan veleh Rostyn Griffiths chuan Mumbai tan a sut.
Roy Krishna penalty hmangin Odisha in hma hruai leh mahse huntawp dawnah Pereyra Diaz in goal a khung leh a ni.
Odisha tan Jerry Lalrinzuala, K. Lalthathanga leh Laldinliana Renthlei te an khel ve bawk a. Mumbai City tan Lallianzuala Chhangte leh Lalengmawia ten inkhel bul an tan bawk.